TACLOBAN CITY – Patay an usa nga lalaki mahuman ini nga pusilon han waray makilal-e nga suspek ha Phase 2, Brgy Rawis, Calbayog, Samar.

Ginkilala an biktima nga hi Jaspher Pacuhan, 44 anyos, waray trabaho ngan nag-uukoy han mao nga lugar.

Sumala kan PLt  Aileen Velarde, tagapagyakan han Samar Police Provincial Office (SPPO), nga tisulod na unta ha ira balay an biktima han tigda ini nga ginpanmumusil han usa  nga lalaki nga humaw-as tikang ha usa nga four-wheeled vehicle.

-- Advertising --

Dagmit naman nga kumalagiw an suspek mahuman an mao nga panmumusil.

Narekopo naman han mao nga insidente an  upat ka basyo han kalibre 5.66mm

Ha pagkayana in nagpapadayun pa an gindudumara nga imbestigasyon han mga otoridad kasumpay han mao nga insidente.