TACLOBAN CITY — Patay an usa nga parupangisda mahuman nga maigo hin kidlat ha District 1, Babatngon Leyte.

Ginkilala an biktima kan Diosdado Sabenorio, 58 anyos an pangidaron residente han Barangay Tinaogan, Basey, Samar.

Sumala kan P/Lt. Melvin Ay-ay, han Babatngon MPS, nga nandadagat an biktima kaupod an iya bugto han tigda nga kumidlat hin makusog ngan naigo ini.

-- Advertising --

Nag-angkon an biktima hin first degree burn nga nagin hinungdan han iya kamatayon.

Maswerte naman nga nakatalwas an bugto hini nga nakag-angkon la hin minor injuries.

Padayon naman an pahimatngun han mga otoridad nga diri magpirit panagat kun malain an kahimtang han panahon agud nga makalikayan an mga disgrasya.