TACLOBAN CITY- Pinakamakuri daw paanaron an Leon ha tanan nga mga agresibo nga hayop, kakaiba daw kaso an pamatasan hine nga dire natapod bisan la kanay,gutiay nga sayop han madaop ha iya in sasakmalon ngan papatayon hine dayon.

Pero para kan Kevin Richardson, usa nga animal behaviourist, mas madagmit daw paanaron an leon kumpara ha iba nga mag-isog nga hayop, mas madagmit daw makuha iton loob han leon ngan usa la kadali in makakabonding daw ine dayon.

Labot ha leon in napaanad gihapon ni Richardson an cheetah,leopard,ngan hyena ngan iba pa nga hayop nga kaupod ha pamilya han misay.

-- Advertising --

Pero ha tanan nga miyembro han cat family,an leon daw an iya paborito, mas natetestingan daw ha leon an iya kakarit ha pagpaanad an mag-isog nga hayop.

Natestingan ni Richardson an iya kakarit han makigpagbonding hiya ha leon ha sakob han tangkal hine, nga waray la pag-iha in napaanad ine niya dayon, waray naman hiya naangakon nga gasgas ha iya ginbuhat kun diin gindilaan pa hiya han mao nga leon nga senyales han ira pagkakasangkay.

Nagtotoo hi Richardson nga an iya kakaiba nga karisma an hinungdan nga nakuha niya an loob han leon,ngan waray daw hiya kahadlok o kabaraka asya naman daw ito an iya magic.