TACLOBAN CITY — Arestado an usa nga lalaki mahuman nga madakop ha gindumara nga drug buy-bust operation han mga otoridad ha bungto han Carigara, Leyte.

Photo Source: Tide Forecast

Ginkilala an suspek kan Luke Rendora, 36 anyos an pangidaron ngan residente han Barangay Parag-um han mao nga bungto.

Sumala kan PMaj. Ambrosio Dimain, hepe han Carigara MPS, nga an mao nga suspek in kilala nga nagbabaligya hin illegal nga droga ha ira lugar.

-- Advertising --

Napalit ha iya an 1 ka sachet han gintutuuhan shabu samtang nakarekopo pa an mga otoridad hin 3 ka sachet ha iya posesyon.

Naatubang na an mao nga suspek ha kaso nga pagtalapas han RA 9165 ngan yana in adto na ha kustodiya han mga otoridad.