TACLOBAN CITY – Arestado an usa nga lalaki mahuman nga makumpiskar han mga kapulisan an maabot ha 28 kabug-os nga mga raw materials hin Improvised Explosive Device (IED) tikang ha mismo panimalay hini ha bungto han San Antonio Northern Samar.

Arestado an usa nga lalaki mahuman nga makumpiskar han mga kapulisan an maabot ha 28 kabug-os nga mga raw materials hin Improvised Explosive Device (IED) tikang ha mismo panimalay hini ha bungto han San Antonio Northern Samar.

Ginkilala an mao nga suspek nga hi Jesus “Bangse” Basilan Lauron, ada ha igo nga pangidaron, waray trabaho ngan residente han Sitio Pongdul, Brgy. Ward III han mao nga bungto.Sumala kan Pol. Lt. Norben Carbonera, OIC Chief of Police han San Antonio MPS, kalakip ha ira mga narekober ha panimalay han suspek an pira nga mga initiating device o time fuse nga mayda blasting caps nga gingagamit ha paghimo hin mga IEDs.

Nahibaruan nga naaresto an suspek pinaagi han ginsirbe nga warrant nga gin-isyu naman ni  Judge Armando Rosadiño of Regional Trial Court-Branch 23 in Allen, Northern Samar.

-- Advertising --

Padayon naman an operasyon han mga kapulisan agud nga madakop an iba pa nga mga person of interest nga dabi gihapon ha ilegal nga paghimo hin mga improvised blasting devices.