-- ADVERTISEMENT --

TACLOBAN CITY – Naaresto an usa nga lalake nga gintutuohan mayda sakit ha panhuna-huna mahuman nga pagsuritan an usa nga panimalay ha Brgy.Odiongan Abuyog, Leyte.

Ginkilala an suspek nga hi Sam Benjie Aquino, 54 anyos samtang ginkilala an tag-iya han panimalay nga hi Francisco Purtogalisa Labajo nga residente la mismo han nasabi nga Baranggay.

Sumala kan PLt. Lorenzo Louie Cardoza, OIC Chief of Police han Abuyog MPS, ginpakaon pa daw an suspek ha sakob la mismo han panimalay han biktima tungod nga trabahante ini ha usa nga umahan.

Dire naman nagdadahum an tag iya nga magbubuhat hin dire maupay an suspek kun diin ginsuritan hini an stock room han ira panimalay nga naging rason han pagkasunog hini.

Ginbabana-bana nga maabot ha P250,000 an naging inisyal nga danyos han mao nga sunog.

-- ADVERTISEMENT --

Dayon naman nga naaresto an suspek mahuman an mao nga insidente.