TACLOBAN CITY – Nakatalaan nga pagdumaraon yana nga maabot nga Marso 26 tubtob Marso 28 an “Juana Laban sa Pandemya” Trade Fair han Department of Trade and Industry (DTI) Regional Office 8 ha Robinsons North syudad han Tacloban.

photo: fb/Bahandi Eastern Visayas Regional Trade Fair; Nakatalaan nga pagdumaraon yana nga maabot nga Marso 26 tubtob Marso 28 an “Juana Laban sa Pandemya” Trade Fair han Department of Trade and Industry (DTI) Regional Office 8 ha Robinsons North syudad han Tacloban.

An mao nga trade fair in may paghisumpay ha selebrasyon han Women’s Month yana nga bug-os nga bulan han Marso.

Sumala kan Aivi Borbon-Ancheta, Information Officer III han DTI 8, an pagbubuhaton nga trade fair an magiging pinakasyahan nga physical trade fair yana nga tuig mahuman an naglabay nga 2020 kundiin waray makagdumara hin parehos nga aktibidad an DTI tungod han COVID-19 pandemic.

-- Advertising --

Ha nakatalaan nga trade fair yana tikang yana nga Biyernes in maabot ha 28 nga mga women entrepreneurs an matambong ngan magbabaligya han ira mga produkto ha orihinal nga mga presyo hini.

Pira ha mao nga mga produkto nga igshoshowcase ha mao nga trade fair amo an handcrafted fashion accessories, housewares, decors and furniture ngan sugadman mga native delicacies tikang ha rehiyon.

Magiging abre an Juana Laban sa Pandemya Trade fair tikang alas 10 hiton aga tubtob alas otso hiton gab-i.