ODD — Gin angkon han Greek chef nga hi Akis Petretzkis an anay Guinness World Record han makahimo hiya hin 3,378 burgers ha sakob la hin usa ka oras.

Nahimo ni Petretzkis ngan han iya team nga luto-on an 3,378 burgers di pala maiha ha Thessaloniki kumo parte han usa nga food festival nga gindumara didto.

Usa nga Guinness representative an nagkita ha world record attempt para makumpirma kun nalabwan na ba ni Chef Akis an anay record para ha pinakadamo nga burger nga nahimo ha 1 ka oras nga ada ha 2,200.

-- Advertising --

Mahuman makumpirma nga nakaghipatik na hira hin bago nga world record, ginpanhatag ni Akis ngan han iya grupo an mga ginluto nira nga burgers hin libre ha mga magkirita ha ira world record attempt.