ODD NEWS- Dire madidiwara nga adla adlaw an kalbaryo nga ginpapagagian hiton mga morotista ha Pilipinas matungod ha grabe nga traffic labi na ha EDSA ngan ha iba nga mga karsada ha Metro Manila.

PHOTO SOURCE: SCMP.COM

Grabe an traffic dinhe ha aton nga danay in naabot hin walo kaoras in waray ine ha napakagrabe nga traffic nga umigo ha highway han China nga umabot hin duha kasemana.

Natabp an grabe nga traffic ha usa nga highway nga nagkokonekta ha Beijing ngan ha lugar han Zhangjiakou damo kasi an mga motorista nga nagamit han highway labi na nga nagtikang na pagribhong an ekonomiya han China.

-- Advertising --

Warayigdesenyo an highway para ha damo nga motorista nga maagi sanglit ginpasirahan an pira nga parte hine para ha maintenance ngan dinhe in nagtikang na ang permi nga halaba na trapiko ha lugar.

Ha kagrabe hiton traffic in bagabaga hin usa nga dambuhala nga parking lot an highway,dire na nagios an mga sarakyan ngan pira ha mga nagdriver in nakaturog la anay nga nakakagpadugang pa han grabe nga traffic matungod ha dire pagios han mga dagko nga adlaw.

Nakakita naman hin pagkakakitaan an mga residente han mga hagrani nga kabablayan harani ha highway matungod nga nagbabaligya an mga ine hin pagkaon ngan maiinom para ha mga motorista nga pira na nga stranded.

Naghimo naman an gobyerno han China hin aksiyon para masolusyunan an problema ha mao nga highway.