TACLOBAN CITY – Gintikangan kakulop nga adlaw han Eastern Visayas Regional Medical Center (EVRMC) an pagbabakuna ha syahan nga batch han mga empleyado han mao nga ospital.

Ini in mahuman nga umulpot kakulop an yinukot-yukot nga doses hin COVID-19 vaccine nga Sinovac ha rehiyon.

Usa an EVRMC ha syahan nga natagaan han mao nga mga bakuna kalakip na an pira nga mga ospital ha rehiyon sugad han Divine Word Hospital ngan Schistosomiasis Hospital.

-- Advertising --

Sumala kan Dr. Salvador Evardone, Chief of Hospital ng EVRMC, ha gindumara nga ceremonial vaccination ha ira ospital hiya an syahan nga nagpaturok han bakuna agud nga makumbinsir liwat an tanan han mga health workers nga tumapod ha kalidad ngan pagiging talwas han mga bakuna.

Ha pagkayana in maabot pala ha 541 ha sobra 2,000 nga mga empleyado han EVRMC an nagsignify nga andam magpabakuna.

Agud nga matagan naman hin iwag an ginbubuhat nga vaccination rollout han EVRMC in temporaryo la anay nga ginpasara an Out-patient department han ospital ngan sugadman ginsuspender gihapon an face to face consultations ha mga pasyente tikang yana nga adlaw tubtob hiton masunod nga semana.