ODD – Dako nga parte han aton kinabuhi an smartphone. Kadam-an ha aton in pira kaoras nga nakaatubang ha smartphone para ha pag-aaram, pagtatrabaho ngan libangan.

An iba pa ngani in waray undang ha paggamit hini bisan nagbabaktas ha karsada o nagmamaneho hin sarakyan nga nagiging rason hin disgrasya.

Sanglit naman nakaimbento an usa nga engineering student han London’s Royal College of Art and Imperial College nga hi Minwook Paeng hin usa nga robotic third eye nga ginbubutang niya ha iya agtang para maging ikatulo niya nga mata kun nakatungo ngan busy hiya ha iya cellphone samtang nagbabaktas ha karsada.

-- Advertising --

Ha sakob han robotic third eye in mayda ini gutiay nga speaker, gyroscope sensor ngan sonar sensor.

Nade-detect han gyroscope sensor nga nakatungo an nagamit hini ngan mag-aabre an sonar hini para igmonitor kun may nakabalabag ha dalan o aagian.

Kun may  nadetect, matunog an speaker hin agud nga maging warning.

Sumala kan Minwook, naimbento niya an gadget tungod nakikita niya nga kikinahanglanon ini han mga masunod nga henerasyon nga posible tawagon nga“phono sapiens’’ o henerasyon nga nakasalalay na an kinabuhi ha paggamit hin smartphon