TACLOBAN CITY – Gin aaghat han Department of Health regional office nga mas magin strikto pa ha mga ginpapatuman nga health protocol ha mga returning OFW ha luyo nga nga waray pa makasulod ha Sinirangan Bisayas an ha mas nakakatapon nga UK variant hin COVID 19.

photo: PNA; Gin aaghat han Department of Health regional office nga mas magin strikto pa ha mga ginpapatuman nga health protocol ha mga returning OFW ha luyo nga nga waray pa makasulod ha Sinirangan Bisayas an ha mas nakakatapon nga UK variant hin COVID 19.

Sumala kan Exuperia Sabalberino, regional director han DOH Eastern Visayas, 15 kabeses nga mas nakakatapon an mao nga variant sanglit diri angay nga magkampante an publiko.

Kinahanglan daw nga magin mabinantayon an mga local government units ha mga nangangabot tikang ha iba nga nasod ngan ha iba pa nga parte han Pilipinas ngan kinahanglan tikang ha airport in igdidiretso ini dayon ha mga isolation facility para igpailarom ha 14 diyas nga mandatory quarantine ha luyo nga negatibo ini ha swab test.

-- Advertising --

Kinahanglan daw gihapon nga igswab utro an mag ini mahuman an lima ka adlaw ngan strikto nga igpatuman an no visiting policy samtang aada pa ha isolation facility an mga pasyente.

Ha pagkayana in waray angay igkabaraka an mga tawo kasumpay ha bag o nga variant han COVID 19 kay kon igbabase ha ihap han mga kaso, diri sugad kadagmit an paghitaas han mga kaso han COVID 19 ha rehiyon.

Sumala ha buhatan panlawas naghibubo an mga kaso hin COVID 19 ha rehiyon hin kutob 34 porsyento kon igkukumpara ha mga kaso nga naitala dida han Disyembre.

Ha masunod nga semana magpapadara hin pili nga mga swab samples an DOH ha philippine genome center para maexamine

Tungod nga madagmit magkalat an Uk variant sanglit kinahanglan daw nga mas ig andam pa han mga LGUs an mga isolation facility

Ha pagkayana in aada na ha 13, 553 an kabug usan nga ihap han COVID-19 cases ha rehiyon kon diin 12, 810 (94.52%) an nakarekober na ngan 177 an mga namatay.