TACLOBAN CITY – Ginkakasubo han pamunuan han DepEd Tacloban City Division an mga nahihipatik nga mga krimenalidad ha mga kamaestrahan , ilabi na nga hitaas an pagtagad ngan pagrespeto han mga katawhan ha ira.

Ginkakasubo han pamunuan han DepEd  Tacloban City Division an mga nahihipatik nga mga krimenalidad ha mga kamaestrahan , ilabi na nga hitaas an pagtagad ngan pagrespeto han mga katawhan ha ira.

Sumala kan Dr. Nilo Eder, Information Officer han DepEd Tacloban City Division, nga naiintindihan nira an mga sugad hini nga panhitabo, matungod nga mayda mangud mga personal nga rason an matag-usa.

Dugang pa han mao nga opisyal nga nakikisimpatya an mao nga pamunuan, pero an sugad hini nga panhitabo in diri naman dapat igkonsente o ig tolerate , matungod nga nakaka-guba ini ha imahe han mga magturutdo.

-- Advertising --

Mababaruan nga an mga magturutdo nga nadadabi ha mga krimenalidad in diri naman matatangal ha serbisyo matungod nga myada rules and regulation hira nga ginsusunod.

An mga madadabi ha mga krimen  nga mga kamaestrahan in automatic nga magkakamayda hin suspensyon ngan waray gehapon ini kakarawaton nga sweldo.

Nanawagan naman an mao nga opisyal  nga  ig-improve pa  han mga kaestrahan an standard han  panutduan para ha mga estudyante, ngan likayan an pagbuhat han mga diri maupay nga butang agud nga diri makapandamay ha iba,  ilabi na ha pamunuan hiton edukasyon.