ODD NEWS- Usa nga kakaiba nga klase hin cake an naimbento ha Japan, matungod nga imbes harina an gamiton in tubig an gingagamit para makaghimo hin cake.

Photo Source: weheartit.com

An bag-o nga imbento in ginbansagan nga  mizu cake nga tikang ha Japanese nga pulong han tubig, an mao nga cake in himo tikang ha usa nga ice nga tikang naman ha usa nga puno ha butnga han kabukiran han Japan.

Baga-baga hin usa ka turo hin tubig an korte han mizu cake. Ine in matungod ha ingredients nga agar agud nga mabug-os an tubig nga alagid-agid hin gelatin.

-- Advertising --

Alagid-agid gehapon ini hin bolang kristal an mizu cake matungod han katin-aw han tubig nga gingamit ha paghimo hini. Ngan matungod nga himo ini ha tubig in madagmit gehapon ine nga matunaw sanglit nga kinahanglan nga maubos dayon an mizu cake ha sakob han 30 minutos.

Mababaruan nga usa la nga kompanya an naghihimo han mao nga cake ngan mapapalit la ine ha duha nga restaurant nga mabibilngan ha Yamanashi Prefecture nga aada ha rehiyon han Chiba, Japan.