TACLOBAN CITY – Nanawagan an Tacloban City Business Permits and Licensing Division (BPLD) ha mga business owners ngan mga negosyante ha syudad nga dire na hulton o paabuton pa ha deadline an pagsumiter han ira mga aplikasyon para han renewal han ira mga permit ngan tax payments.

photo sr: Tacloban CIO; Nanawagan an Tacloban City Business Permits and Licensing Division (BPLD) ha mga business owners ngan mga negosyante ha syudad nga dire na hulton o paabuton pa ha deadline an pagsumiter han ira mga aplikasyon para han renewal han ira mga permit ngan tax payments.

Sumala kan Gemafiel Gaspay, head han Tacloban City Business Permits and Licensing Division, tungod han usa kaadlaw nga pagdeklara hin suspensyon han mga opisina ha syudad durot han makusog nga pag-inuran, extended an ira operasyon ngan office hours ha kada adlaw agud nga maakomodar an mga nagpaparenew han ira mga permit.

Nanawagan ini ha mga negosyante ngan tag-iya hin mga business establishments ha syudad nga dire na hulton pa an deadline ha Enero 20 agud nga malikayan an pagkakaada hin penalties nga 25 percent surcharge ngan two percent penalty per month of delay.

-- Advertising --

Nahibaruan nga kumpara han naglabay nga tuig kun diin 600 ngada 1000 nga mga aplikante an naaakomodar han BPLD kada adlaw, yana nga tuig tungod han COVID-19 pandemic in 300 per day la an ira ginkakarawat nga aplikasyon kinada adlaw.