ODD NEWS –  Kun han una in bomba, droga ngan mga ilegal nga kontrabando la an ginsisinghot o ginhahamot sugadman gindadakop han mga bomb sniffing dogs ha usa nga airport ha Chile, yana in pati na gihapon an coronavirus in akos nga nga madetect han mga ini.

photo credits: Marcelo Hernandez / Getty Images; Bomb sniffing dogs, gingagamit na ha Chile nga tagahamot hin mga pasahero nga may COVID-19.

Ginkikilala ha pagkayana kumo bio detector usa nga grupo hin mga Golden Retrievers ngan Labrador ha Comodoro Arturo Merino Benítez International Airport ha Santiago, Chile.

Gintrain an mga ini hin mga siyentipiko para makahamot hin mga pasaheros nga positibo ha COVID-19.

-- Advertising --

An mga tisakob na pasaheros ha mao nga paluparan in gintatagan hin gauze pads han mga airport health checkpoint officials ngan kinahanglan nira ini nga igpahiad ha ira liug ngan pulso.

Pagkahuman in igbubutang ini ha usa nga glass container para ipahamot ha mga sniffer dogs nga ginkikilala nga mga bio detectors.

Kun  lumingkod an mga sniffer dogs, karugsigngon hini in positibo an pasaheros ha mao nga virus.

Sumala ha mga pag-aram, may accuracy rate nga 85% tubtob 100% an mga sniffer dogs nga makahamot hin mga indibidwal nga positibo ha COVID-19.

Pero san-o pa man magkaada hin COVID-19 pandemic in may kapas na gihapon an mga ini nga makahamot kun may malaria, cancer ngan Parkinson’s disease an usa katawo.Labot la ha Chile, ginproprobaran na gihapon ha mga paluparan ha United Arab Emirates ngan Finland an paggamit hin mga sniffer dogs para madetect an pasahero nga positibo ha nakakamatay nga virus.