TACLOBAN CITY – Patay an usa nga barangay kapitan mahuman ini nga pusilon han riding-in-tandem ha Barangay Bobonon, Alang-alang, Leyte kanina han aga.

Ginkilala an mao nga biktima nga hi Benjamin Padullon, 55 anyos, Barangay Kapitan han Cambahanun,Alang-alang, Leyte.

Sumala kan  PEMS Alejandro Alve, Deputy Chief Of Police  han Alang-alang MPS,nga tikang an mao nga biktima ha Sta Fe, Leyte nga sakay han iya motor  ngan pauli na unta ha ira.

-- Advertising --

Pag abot naman hini ha mao nga bungto in didto  na ini  nga ginpamumusil.

Sumala kan Alve, nga posible nga ginsinundan la an mao nga biktima tungod ha naangkon hini nga inig-an ha iya bungkog.

Padayun naman an pangalap hin impormasyon han kapulisan kun hin-o an responsable han mao nga krimen.

Ha pagkayana in waray kongkreto nga motibo nga natutudlok an kapulisan kasumpay han mao nga insidente.