TACLOBAN CITY — Arestado an usa nga barangay kagawad ha gindumara nga drug buy-bust operation ha Barangay Manatang, Taft, Eastern Samar.

Sumala kan Rogelette Urgel, tagpagyakan han PDEA Region 8, ginkilala an suspek kan Rizaldo Lubina, konsehal ngan residente han mao nga lugar.

Nakompiska ha mao nga operasyon an 2 ka sachet han gintutuuhan shabu nga may estimated market value nga 792 pesos.

-- Advertising --

Naatubang naman an mao nga suspek ha kaso nga pagtalapas han RA 9165 ngan yana in temporaryo nga nakapaslak ha Taft lock-up facility.