Iginreport di pala maiha ha The Journal of Emergency Medicine a usa nga Taiwa-nese doctor an kakaiba nga kaso han usa niya nga pasyente nga waray salabutan nga may nakalubong nga chopstick ha iya nawong ha sakob han usa ka semana.

Sumala ha usa nga local news agency ha Taipei, gindara an waray pangarani nga 29 anyos nga babaye ha usa nga ospital emergency room mahuman makipag away ha iya bugto.

Photo Source: TIMES NOW

Nag-angkon hin duwa nga minor laceration  an babaye ha irong ngan ha ilarom han iya tu-o nga mata. Nagpailarom ha X-ray an babaye ngan waray nakita nga kakaiba ha iya injury amu nga ginpauli dayon ini.

-- Advertising --

Usa ka semana mahuman an insidente, nahunahunaan han babaye nga bumalik ha ospital tungod waray niya matatad-e an chopsticks nga gingamit nga pan atake han iya bugto ngan hinay-hinay daw gihapon hiya nga nakakaabat hin pagsakit han iya irong.

Mahuman igpa CT scan an babaye, nakitan nga may duwa kabugos han nabari nga chopsticks ha iya nasal septum.

Dayon hiya nga nagpailarom ha surgery ngan nakuha an duwa ka bugos han nabari nga chopsticks nga may sukol nga 1.4 inches ngan 2 inches.

Waray komplikasyon nga na-angkon an babaye ha iya operasyon ngan ha pagkayana in ada hiya ha maupay nga kahimtang.