TACLOBAN CITY — Samaran an usa nga lalaki mahuman tawtawon han iya kalugaringon tatay ha Sitio Calunasan Brangay Banat-i San Isidro Leyte.

Ginkilala an biktima kan Raul Daguil, 46 anyos, residente han mao nga lugar. Samtang an suspek in nakilala naman kan Vicente Daguil, 69 anyos an pangidaron.

Sumala kan PSMSGT. Reynante Bandelosa, Duty Investigator han San Isidro Municipal Police Station, nga nag iinom an mag tala-amay han tigda an mga ini nga magka debate parte hin tuna nga nagin hinungdan han pagtawtawa han suspek an iya anak.

-- Advertising --

Nag-angkon ini hin mga samad ha magkalain lain nga parte han iya lawas ngan dayon naman ngan nadara ha pinakaharani nga ospital. Boluntaryo naman nga sumurender an suspek ha mga otoridad.

Diri naman interesado nga magpasaka hin kaso an biktima tungod nga iya ini amay.