TACLOBAN CITY — Maabot ha 9 nga mga minor de edad an na i-rescue han mga kapulisan ha bungto han Palo, Leyte.

Sumala kan PMaj. Aldo Mendiola, Hepe han Palo Police Station, nga ada ha 4 nga kalalakin-an ngan 5 nga kababayin-an nga nag eedad 13 – 17 anyos an ira narescue.

Subay ha inisyal nga imbestigasyon nga sakay an mga minor de edad  hin usa nga PUV ngan pag abot ha may Palo in gintapo ini han LTFRB matungod ha kawaray franchise han mao nga van.

-- Advertising --

Didto nahisabtan nga an mao nga mga minor de edad nga sakay in mga taga San Agustine, Surigao Del Sur ngan pakadto ha Pampanga.

Base naman ha pakipagsumpayan han Palo PNP ha  San Agustine, Surigao Police Station, an mao nga mga minors in illegal nga ginpan recruit ngan yana in ginpapamiling na han ira mga kag-anak.

Temporaryo naman nga nagpapabilin ha kustodiya han Palo Police Station an 9 nga mga minors.