TACLOBAN CITY – Maabot na hin 410 nga mga anay rebelde ha Sinirangan Bisayas iton nakatagamtam na hin pinansyal nga ayuda tikang ha Enhance Comprehensive Livelihood Integration Program ( E- CLIP ).

8th Infantry Division han Philippine Army; Maabot na hin 410 nga mga anay rebelde ha Sinirangan Bisayas iton nakatagamtam na hin pinansyal nga ayuda tikang ha Enhance Comprehensive Livelihood Integration Program ( E- CLIP )

Ha datos tikang ha 8th Infantry Division han Philippine Army maabot na ha PHP 14,432,000 an kabug usan nga kantidad iton naipanhatag na ha mga rebelde ngan dati supporter han New People’s Army (NPA) ha ilarom han mao nga programa.

Hini nga kantidad, 5,505,000 iton LGU assistance samtang, 1,300,000 an ayuda tikang ha mga provincial government, 4,826,000 naman an naihatag na nga pauna nga ayuda ha mga former rebels , 1,535,000 livelihood assistance, 1,136,000 an gindisburse kumo firearms renumerations ngan 166, 800 – an kabug usan nga kantidad iton nagamit ha TESDA livelihood training.

-- Advertising --

Sumala kan Col Perfecto Pe├▒aredondo, chief of staff han 8th Infantry Division han Philippine Army lalauman nga madudugangan pa ini nga kantidad tungod maabot pa 433 nga mga papeles han mga anay rebelde iton ginpopreso pa ha pagkayana para makakarawat liwat hira han mao nga ayuda.

Sumala naman kan Myles Colasito iton tagapagyakan han Department of Interior and Local Government (DILG) 8, ini nga pinansyal nga ayuda nga ginhahatag han gobyerno para ha mga nagsusurender in usa la nga pamaagi para mas dako pa nga panuyuan, an magkaada hin kahimyanga ha bug os nga rehiyon.

Mababaruan nga ha tuig 2020 maabot 2754 na nga mga anay myembro ngan supporters han mga NPA iton nagbalik loob na ha gobyerno ngan maabot naman hin 200 nga iba iba nga klase hin armas ngan mga bala iton narekober ha mga operation han mga kasundaluhan ngan ginturn over han mga dati rebelde kaupod na an 95 imporivised explosive devices.