TACLOBAN CITY – Maabot ha 349 nga mga magtirinda ha syudad han Tacloban an nakakarawat hin livelihood assistance grant tikang ha Department of Social Welfare and Development (DSWD).

Maabot ha 349 nga mga magtirinda ha syudad han Tacloban an nakakarawat hin livelihood assistance grant tikang ha Department of Social Welfare and Development (DSWD).

Sumala Chona Bahin, head han Tacloban City Social Welfare and Development Office (CSWDO), maabot ha 10,000 pesos nga cash assistance an nakarawat han mao nga magtirinda sugad han mga side walk vendors, mga magtirinda ha merkado ngan mga talipapa ha Tacloban, mga pedicab drivers ngan iba pa.

An mao nga hinabang in magagamit han mga ini kumo kapital ha ira mga pakabuhi.

-- Advertising --

Gintagan naman hin prayoridad ha mao nga livelihood program an mga magtirinda ngan mga negosyante nga duro nga naapektaran han COVID-19 pandemic labi na gud adto napiritan nga magsara tungod han ginpatuman nga mga quarantine protocols.