TACLOBAN CITY –  Masobra 30 mil pa  nga mga dokumento han senior citizen ha bug-os nga Sinirangan Bisayas  an padayun nga ginproseso han  Department of Social Welfare and Development (DSWD) agud nga matagaan hin  social pension han kanan 2020.

photo: Philippine Information Agency (PIA); Masobra 30 mil pa  nga mga dokumento han senior citizen ha bug-os nga Sinirangan Bisayas  an padayun nga ginproseso han  Department of Social Welfare and Development (DSWD) agud nga matagaan hin  social pension han kanan 2020

Sumala kan Mavis Mae Baoy, focal person social pension DSWD- Region 8, nga ini in tikang ha 17 nga mga munisipyo ha upat nga probinsya han Eastern Visayas.

An mao nga mga LGUs in amo an: Hernani, Gen. MacArthur, Quinapondan, Balangiga, Lawaan nga  Borongan City  ha Eastern Samar; Burauen,Sta. Fe, Tabon-tabon Dagami, ngan Villaba ha  Leyte;  Talalora, Tagapul-an, Hinabangan ngan  Calbayog City  ha  Samar; Macrohon ngan Anahawan  ha  Southern Leyte.

-- Advertising --

Sumala kan Baoy nga waray kaupod an mga ini ha listahan tungod nga waray an mga ini nagapply han fund transfer samtang an iba naman in mayda pa mga kakulang nga mga resokitos.

Manunuduman nga dida han Disyembre 2020, in mayda  101 local government units (LGUs) an nag proseso han ira mga resokitos para han transfer of fund (TOF) ngan  28 para han  cash advance pinaagi han  DSWD’s special disbursing officers (SDO).Ha ilarum han Republic Act 9994 o an Expanded Senior Citizens Act of 2010, an mga 60 anyos la nga mga Filipino citizens nga masakit,  disabled, waray regular sweldo, pension, o suporta tikang ha ira paryente an makakatagamtam han  ayuda nga magagamit para ha ira inadlaw adlaw nga panginahanglan sugad nala han medisina.