-- Advertisements --

Hindi inaprubahan ng South African Health Products Regulatory Authority (Sahpra) ang emergency use authorization ng single dose na Sputnik V COVID-19 vaccines dahil sa pangamba na tumaas ang risk ng HIV infection sa mga kalalakihan.

Ang naturang desisyon ay base sa isinagawang pag-aaral sa safety ng modified form ng adenovirus na isang uri ng virus na nagdudulot ng respiratory infections na tinatawag na Ad5 na mayroon sa Sputnik V vaccine.

Sa isang statement, sinabi ng Gamaleya Research Institute na nag-develop ng Sputnik V vaccine na ang ispekulasyon hinggil sa kaugnayan ng adenovirus type-5 vectored vaccines at HIV transmission sa high risk groups ay base lamang sa small-scale studies.

Ipinunto ng Gamaleya Institute na base sa ilang isinagawang mga clinical trials sa mahigit 7,000 participants, walang significant increase ng HIV-1 infection sa mga recipients ng Sputnik V vaccine.

Ang South Africa ay ang pinakamalubhang tinamaan ng pandemic sa buong Africa at may pinakamataas na bilang ng mga indibidwal na mayroong HIV sa buong mundo.

-- Advertisement --

Sa ngayon, hindi pa nabibigyan ng emergency use authorizaton ng World Health Organization ang Sputnik V vaccine bagamat sinimulan na ang pagtuturok ng naturang single dose vaccine sa 45 bansa.