Sa pihak sang pagbubo sang ulan kaina sang udto, gindayon sang mga progresibo nga grupo ang ila hublag protesta agud ipakita ang ila kaakig kag pagkundena sa administrasyon ni President Rodrigo Duterte kadungan sang pagdumdum subong nga adlaw sang martial law.

Ginpahayag ni Monica Cabantug sang Buylog Capiz nga kapin sa anum ka progresibo nga grupo ang nag-upod sa nasambit nga hublag protesta.

Kalakip sa mga grupo nga nag-upod ang Bayan Capiz, Anakbayan-Capiz, Gabriela, Kadamay, Pamalakaya kag Sambayanan.

Suno kay Cabantug nga wala sang kaayuhan nga gindala ang Duterte administration sa pungsod kundi korupsyon kag gutom.

Makaisa lamang naghatag sang ayuda ang gobyerno sa mga pigado nga mga pumuluyo nga apektado sang pandemya tuga sang COVID-19.

-- Advertisement --

Ginpaanggid man sini ang na-experiensiyahan karon sang pumuluyong Filipino sang panahon sang martial law sa diin kasubong gindula ang tawhanon nga kinamatarung.

Nagalaum ini nga kuntani magbugtaw na ang mga pumuluyo sa indi maayo nga pagdumala ni President Rodrigo Duterte.

Samtang ginasinggitan sang progresibo nga grupo nga mahatag kuntani sang gobyerno ang P10,000 nga ayuda para sa mga kabataan sa idalum sang online learning.