Gin-kwestiyon sang pila ka mga Board Members ang manubo nga alokasyon sang pondo sa mga pampubliko nga ospital sa probinsya sang Capiz.


Kasunod ini sa ginpatigayon nga Committee Hearing para sa Annual Investment Plan para sa tuig 2022. 


Sa interview sang Bombo Radyo Roxas kay Board Member Eleuper “Bulilit” Martinez, gina-review nila sa karon ang na-aprubahan nga AIP sang Provincial Development Council (PDC) para sa tuig 2022.


Suno pa kay Martinez, ginkatingala sang iban nga nga Board Members kun ngaa 10% lamang ang gin-alokar para sa hospital services sang mga pampubliko nga ospital sa probinsya rason nga luyag sang mga ini nga pataasan ang pondo ilabi na kag nagapangatubang sa gihapon ang probinsya sa pandemya tuga sang COVID-19.


Samtang, nagalab-ot naman sa 23% ang construction sang multi-purposed covered gym kag 20% naman sa road concreting. 

-- ADVERTISEMENT --


Suno pa kag Martinez, na-eksplekar naman sang konseho nga importante nga ma-improbar ang covered gym bangud ginagamit man ini bilang evacuation center kag venue sa tion nga may ginahatag nga ayuda para sa mga pumuluyo. 


Ginagamit man ini bilang vaccination center sa vaccination program.