Roxas City РGinkumpirmar sang tagpamaba sang Mt. Baloy Command sang New People’s Army (NPA) nga sila ang yara sa likod sang pagkamatay sang isa ka miyembro sang Citizen Armed Force Geographical Unit (CAFGU) sa Brgy. Masaroy, Calinog, Iloilo.

Suno kay Ka Ismael Garcia, tagpamaba sang Mt. Baloy Command, ang natabo nga encounter ang pagsabat sa malawig na nga panawagan sang amu nga grupo sang hustisya para sa mga pumuluyo.

Dugang pa sini, nga ang 12th Infantry Battalion sang Philippine Army amu ang may dako nga balasulon sa mga ginahimo sang NPA bangud sa ila pagpatigayon sang alang-alang nga patakaran, kun sa diin nadalahig ang mga sibilyan nga ila pilit ginapaaku nga miyembro sang rebelde nga grupo.

Ginklaro man ni Garcia nga may yara sang duha ka mga CAFGU members nga nga-surrender, apang wala nila ginsakit, sa baylo, ila ginlaygayan nga indi na magpagamit sa mga ospiyal sang militar.

Matandaan nga samtang nagapatigayon sang security operation ang mga suldado kaupod ang CAFGU members kag force multipliers sang ginpalukpan sang ginabulubanta lima ka NPA members.

-- Advertisement --

Kill in Action si CAA Dwight Mecenas, bangud sa mga patal nga igu sini tuga sang pagpangluthang.

Nagapakita lamang suno diri, nga ang NPA ang naga-uyat sang hugot sa patakaran sang giyera.

Suno kay ka Ismael nga padayon ang pagsuporta kag pagsakdag sang mga pumuluyo sa ila grupo bangud suno diri, nagapati ang sibilyan nga ang ila grupo ang matuod-tuod nga hangaway sang pungsod.