ROXAS CITY – Wala sa gihapon sang nabaton nga aksyon ang mga petitioner sa igapatukod nga crematorium sa Barangay Mongpong, sini nga syudad.

Sa interview sang Bombo Radyo Gaudencio Azarcon, retirado nga pulis kag isa sa nagapamatok sa pagpatukod sang amu nga negosyo sang Gegato-Abecia Funeral and Crematory, suno diri nga manug isa na ka bulan nga ginpalab-ot nila ang petisyon, apang wala sila sa gihapon sang nabaton nga sabat kun igapauntat na gid sang dalayon ang pagtukod sang crematorium ukon indi.

Dugang pa sini nga tubtob ara ang amu nga edipisyo sang crematorium, yara man sa gihapon ang ila ginabatyag nga kakugmat ilabi na sa ila ikaayong lawas.

Ginsiling pa ni Azarcon nga kuwarta ang rason sang mga persona nga yara sa likod sang pagpatukod sang ginapamatukan nga crematorium, bangud wala nagapanumdom ang mga nagpadihot nga persona nga may maapektuhan nga residente basta makakuwarta gid lang sila.

May dako man ini nga income nga magasulod sa ila barangay gani indi na ini matingala kun ngaman nakalusot ang konstruksyon sang edipisyo apisar nga wala sang building permit.

-- ADVERTISEMENT --

Sa karon liwat nga ginapukaw sang mga residente ang city government nga aksyonan ang ila ginasinggitan nga pumuluyo.