SIGMA,CAPIZ -Magapangatubang sang kaso nga paglapas sa RA 10591 ukon illegal possession of firearms and ammunition ang 39-anyos nga lalaki bangud sa gin-alegar pagpalupok sang armas sa banwa sang Sigma.

Nakahunong na karon sa Sigma Municipal Police Station si Crispen Legaspi sang Poblacion Sur, Sigma, CapiZ, ginatudlo nga nagapalupok sang armas sang isa ka concerned caller.

-- Advertising --

Sa pagpadulong sang mga pulis sa Sitio Sibunag, Barangay Mianay, Sigma, naaktuhan si Legaspi nga naga-inum kaupod ang duha ka barkada.

Nakuha sa suspek ang .38 caliber revolver kag apat ka fired cartridges.

Nahibaluan nga nagtuga sang kakugmat sa mga residente sa Sitio Sibunag, Mianay ang pagpinalupok sang suspek rason nga nagpangayo na ini sang responde sa mga kapulisan.