ROXAS CITY – Perwisyo sa mga residente ang sitwasyon sang karsada sa Purok 3, Barangay Libas, palapus sa Sitio Tabay, Barangay Barra, sa syudad sang Roxas.

Sa interview sang Bombo Radyo kay Ben Limpuco, residente sang nasambit nga Barangay, suno diri nga sa kada pagbubo sang ulan, daw kaangay nga mahimo na buy-an sang isda nga pantat ang amu nga karsada.

Dugang pa sini, nga yara naman ang pila ka mga materyales sa pagpakay-o sang karsada apang ginabilin lang kag ginapabay-an, malapit naman suno diri sa isa ka tuig ang ila pag-antos sa amu nga dalan.

Nahibaluan nga nagaserbe ‘shortcut’ kuntani ang amu nga dalan padulong sa kaiping nga Barangay.

Nagapanawagan man ini sa lokal nga gobyerno sang syudad agud maaksyonan ang ila kahimtangan sa nasambit nga lugar.

-- ADVERTISEMENT --