TAIWAN – Nakapyansa ang driver sang crane truck nga ginatudlo rason sang pagka-aksidente sang express train nga nagabiyahe gikan sa Taipei – Taitung county sa Taiwan sa diin naglab-ot na sa 51 ang napatay samtang  186 ang pilason sa kapin 500 total passengers nga sakay sang nasambit nga train.

Sa interview sang Bombo Radyo Roxas kay Dr. Reynand Dumala-on, nagatudlo sang Physics sa The American School of Hsinchu, Taiwan, matapos maaresto ang crane truck driver gilayon nga nagbayad sang 500,000 New Taiwan Dollar ang tag-iya sang construction gani ginhilway ini.

-- Advertising --

Nagsumite man sang resignation letter ang Taiwan Transport minister, bangud isa man ini sa mga ginabasol sang pamilya sang mga biktima, apang wala ini ginbaton ni Taiwan President Tsai lng-wen.

Suno kay Dumala-on nagaguha sa imbestigasyon sang mga otoridad nga wala naka-hand brake ang crane truck bangud ginasiling nga nalimtan sang driver gani nagdiretso ini panaug tobtob nabungguan sini ang nagaagi nga train nga nagbunggo sa kilid sang tunnel..

Nahibaluan nga puno sang mga pasahero ang Taroko Express train kag kadam-an ang nagahingabot sa long weekend sa Taiwan.

Ginahibalo pa sa karon sang Manila Economic and Cultural Office (MECO) kun may pinoy nga nakasakay sa nasambit nga train, bangud ba-se sa  impormnasyon nga nakuha sang talatapan nga duha ka american kag french nationals pa lamang ang kumpirmado nga kalakip sa mga napatay.