ROXAS CITY – Nagapatigayon sang hugot nga checkpoint ang mga katapo sang kapulisan sang Capiz Police Provincial Office (Capiz PPO) para sa preparasyon sang 2022 national kag local elections.

Sa interview sang Bombo Radyo kay PCol. Laudemer Llaneta, suno diri, nga samtang wala pa sila nakapakighinala sang Commission on Elections (Comelec) sa posible bag-o nga guidelines, para sa deadline sang substitution sang mga ‘aspirants’ sa Nobyembre 15, magapadayon sila nga magapatuman sang nasambit nga checkpoint.

Suno pa diri, nga sa karon, wala pa sang narekord nga mga reported private armed group diri sa Capiz, kag kun may ara, hugot nila nga igapatuman ang mandu ni PNP Chief PGen.

Guillermo Eleazar nga dis-armahan kag mahimo pasakaan sang nagakaigo nga panumbungon ang maga bayular sa pagsuludan.