Apat ka mga violators ang nadakpan sang mga katapu sang Capiz Provincial Environment Office ukon CAPENRO Regulatory Services Unit (RSU) nga nagapatigayon sang illegal quarry sa Barangay Poblacion Ilaya, Pontevedra, Capiz.

Ba-se sa report nga nadakpan sa akto sang CAPENRO ang nasambit nga mga violators nga iligal nga naga-extract sang balas kag gintransport ang mga minerals gamit ang duha ka mga salakyan.

Natigayon ang pagdakup sa mga violators kasunod sang reklamo nga ginpalab-ot sang concerned citizen sa lugar.

Ginapanindugan sang CAPENRO nga nagapabilin sila nga tampad sa ila mandatu nga pagpatuman sang laye kag ordinansa sa palibot kag dunang manggad sa probinsiya sang Capiz..