Ginkumpirma sang amay sang siyam ka tuig nga dalagita nga nauna nag-alegar nga ginhimuslan sang duha ka mga solterito nga kaupod sa ilimnan nga wala ginrape ang iya anak.

Sa interview sang Bombo Radyo sa amay ni Alyas Ann, ginpahayag sini nga gin-ako sa iya sang anak nga wala sang kamatuoran ang ginpalapta sini nga estorya nga ginhimuslan siya sang ginakabig mga barkada nga kaupod nga nag-inum.

Sa pagpangusisa sa biktima sang iya amay, ginpahayag nga nahimo lamang sini ang akusasyon bangud sa kahulugbon.

Gintuad man ni Ann nga antes pa ini nagpadulong sa iya tiya sa banwa sang Pilar, ginhimuslan ini sang ila kilala sa Iloilo nga sa pagpangusisa sang iya amay wala na sa ila lugar ang ginatudlo nga suspek sang biktima.

Samtang suno pa sa mister nga subong lamang sini nahibaluan nga naga-inum kag nagasigarilyo na ang iya anak nga ginlaragway sini nga may pagkasutil.//

-- Advertisement --

Sa karon gindala na sa Iloilo sang iya amay ang dalagita para ini mismo ang mag-atipan sa anak.