Nag-abot na sa probinsiya sang Capiz ang kapin sa 6,000 vials ukon 30,000 doses sang Johnson and Johnson ukon Janssen vaccine.

Ginpahayag ni Mr. Joeffrey Espiritu, Development Management Office IV sang Department of Health (DOH) – Capiz nga gikan sa World Health Organization (WHO) facility ang nasambit nga bakuna nga yara na karon sa PHO.

-- Advertising --

Suno kay Espiritu nga isa ka vial sang Janssen, lima ka mga tawo ang mabakunahan sang single shot vaccine.

Prayoridad sa gihapon sang nasambit nga bakuna ang wala pa mabakunahan nga yara sa kategorya sang A-1; A-2 kag A-3.

Tinguhaan nga maubos nga mabakunahan ang yara sa nasambit nga kategorya antes magkadto sa A-4 group. Ginganyat man ni Espiritu ang mga Local Government Units (LGUs) nga makaangkon sang alokasyon sang amo nga bakuna, nga gilayon padasigon ang ila  vaccination priorities