Dakup ang duha ka mga kalalakinhan sa ginpatigayon nga drug buy bust operation sang Provincial Drug Enforcement Unit (PDEU-Capiz) sa Barangay San Jose, sining syudad.

Yara na sa kostodiya sang kapulisan sanday Benny Teodosio 52-anyos kag Nelson Calipayan 49-anyos anay barangay kagawad sang amo nga barangay.

-- Advertising --

Narekober sang operating team kay Teodosio ang lima ka sachet sang ginapatihan shabu nga nagabug-at sang apat ka gramus kag may street value nga P27,400, boodle money nga P5,300 kag marked money nga P100.

Nahibaluan nga kalakip sa gindakup sang mga kapulisan si Calipayan bangud sang nabaklan sang shabu sang posuer buyer si Teodosio kaupod sini ang anay barangay kagawad.