Nagtipon ang multisectoral groups at mga kabataan sa Colon Street ngayong araw, Nobyembre 30, upang ipahayag ang kanilang panawagan na magbitiw sa puwesto sina Pangulong Ferdinand Marcos Jr. at VP Sara Duterte.
Sentro ng rally ang umano’y lumalalang korapsyon at krisis sa bansa, na anila’y hindi masasagot ng kasalukuyang pamahalaan.
Bilang simbolo ng kanilang hinaing, naglatag ang mga raliyista ng dalawang effigy: isa kay Marcos Jr. na nakabalot sa watawat ng Estados Unidos at tinaguriang “Kadimilan,” at isa kay Duterte na balot ng watawat ng China na may markang “Kasamaan.”
Sa eksklusibong panayam ng Star FM Cebu kay Kei, chairperson ng Anakbayan–Cebu, binigyang-diin niya ang mahalagang papel ng kabataan at iba pang sektor sa pagtulak ng mga panawagang panlipunan.
Ayon sa kanya, layunin ng kilos-protesta na magpasiklab ng mas malawak na kilusang masa at magpataas ng kamalayan ng publiko sa mga isyu tulad ng dagdag-sahod, tunay na repormang agraryo, at pagsugpo sa korapsyon.
“We here together with the multisectoral sector because we want to assert register polls not for accountability becuase we are in no position to ever dream of accountability from this kind of government. What we are asking is for the government to be accountable and the only way for that to happen is for VP Sara Duterte and Presidente Ferdinand Marcos Jr to resign.”
Bagama’t hindi raw nila umaasang magkakaroon agad ng pagbabago matapos ang rally, umaasa ang grupo na magsisilbi itong mitsa ng mas malawak na kilusang bayan.
Sa pagtitipon, ipinanawagan din ng grupo ang pagbuo ng isang people’s coalition government na umano’y hindi nakasandig sa mga political dynasty at tradisyunal na lider, kundi binubuo ng mga kinatawan mula sa mga magsasaka, manggagawa, kabataan, at iba pang marginalized sectors.
“The most concrete solution is for Marcos and Duterte to resign and that will require as strong movement of people power and we want to establish a peoples coalition government were not the same people from the same political dyanasties and clans and cronies but it will be represented by the marginalized sectors of society such as farmers and workers.”
