Nagpaabot ng pagbati ang Malacañang kay Miss Iloilo Rabiya Mateo matapos makoronahan bilang Miss Universe Philippines 2020.

Sinabi ni Presidential Spokesman Harry Roque, nakiayon ang mga bituin para iproklama si Mateo na pinakanatatangging Pilipina sa buong universe.

“Nag-align ang mga bituin para siya ang i-proklamang pinakanatatanging Pilipina sa buong universe,” ani Sec. Roque.

Ayon kay Sec. Roque, umaasa ang Malacañang na magiging produktibo ang panunungkulan ni Mateo bilang Miss Universe Philippines.

“Congratulations ni Ms. Mateo and may her reign be fruitful and productive.”
Isa si Sec. Roque sa mga naging judge sa katatapos na Miss Universe Philippines pageant.