P1.6-M na cash, natangay ng mga magnanakaw na nanloob sa gasolinahan sa Iloilo City

ILOILO CITY- Umaabot P1.6 million na cash ang tinangay ng mga kawatan sa isang gasolinahan sa Tabuc Suba, Jaro Iloilo City.

Sa panayam ng Bombo Radyo Iloilo kay Police Captain Eduardo Siacon Jr., hepe ng Jaro Police Station, sinabi nito na nakunan mismo ng closed circuit television (CCTV) camera ang tatlong suspek na sakay ng motorsiklo ng pumasok ang mga ito sa Jetti Gasoline Station.

Sa tatlong suspek, dalawa anya ang nanloob sa cashier’s booth ng gasolinahan kung saan dumaan ang mga ito sa kisame.

Inaalam pa ng mga awtoridad ang pagkakilanlan ng mga sangkot sa naturang pagnanakaw ng gasolinahan.

Kaagad namang rumesponde ang Scene of the Crime Operation (SOCO) sa insidente.