Video kan idung nilubong an gadan na kuting sa CamSur, padagos na nag-aani nin positibong reaksyon

NAGA CITY –Padagos na nag-aani nin mga reaksyon an video kan sarong idu makalihis kaining ilubong an gadan na kuting sa Banga Caves, Ragay, Camarines Sur.

Enot digdi sa eksklusibong entrevista kan Bombo Radyo Naga ki Pidong Borromeo, maysadiri kan idu, naglalakaw siya kaibanan an saiyang mga ataman na idu kan marisa kaini si Brownie na igwang pigpaparong.

Hasta sa nahiling na sana kaini an idu na bitbit an sarong gadan na kuting gamit an saiyang ngimot.

Tulos soboot na nagkalot sa gilid an idu asin inilubong an nasambitan ng kuting.

Kakaiba para ki Borromeo an ginibo kan idung si Brownie na garo soboot nag-iisip na garo sarong tao.

Sa ngunian, padagos na nakakaguno nin manlaen laen na pag-omaw sa mga netizens sa nasambitan ng video.