NAGA CITY – Naglalaom an Philippine Coast Guard (PCG) na mas dakol na mga turista an maruso ngunian na taon sa probinsya nin Camarines Sur.
Sa entrevista kan Bombo Radyo Naga ki ENS Bernard Pagador Jr., station commander kan PCG-CamSur, sinaysay kaini na basado sa saindang monitoring sa mga pantalan, nag-aabot sa rinibong mga bisita an nagduduman sa manlaen laen na mga tourist destination sa probinsya.
Katakod kaini, dawa dae pa sinda nakakagibo kan pinal na record, nahihiling na soboot ni Pagador na mas naglobo an numero kan mga turista ngunian na taon.
Sa ibong kaini, sigon ki Pagador, preparado naman an saindang kabuhan nganeng magtaong asistensya asin imantinir an seguridad kan mga bakasyunita urog na ngunian na Semana Santa.
Marurumduman na kan nakaaging aldaw kan nagkundusir naman nin inspeksyon sa mga beach resort an PCG nganeng imonitor kung nagsunod an mga resort owners sa polisya para sa seguridad kan saindang mga bisita.
Alagad sigon ki Pagador nagkapira sa mga resorts na ini an igwa pa nin mga kakulangan na kaipuhan i-comply nganeng dae mabugtak sa problema an saindang negosyo.
