-- ADVERTISEMENT --

NAGA CITY – Dae suboot nalikayang makamati nin paghandal kan mga namamanwaan sa HongKong sa pigtutubudang mga miembro kan Triad groups na nang-atake sa laog kan sarong mall sa lugar.

Sa report ni Bombo International Correspondent Ricky Sadiosa, sinaysay kaini na makalihis an nangyaring riot sa laog kan mall kunsaen inatake kan mga nakaputing kalalakihan an siisay man na mahiling na naka-itom na bado sa laog, natatakot na suboot an mga taong magluwas sa saindang harong.

Sigon ki Sadiosa, an kulay itom kaya an ginagamit na kulay kan mga nagpoprotesta sa HongKong kun kaya pati an mga tawong nagkataon sanang naka-itom kan mga oras na ito an nadamay sa kariribukan.

Kasuudma man kan tulos na nagpaapod nin press conference an HongKong government alagad dae suboot kaini naitao an kasiguraduhan para sa seguridad na pighahagad kan mga tao sa lugar.