-- ADVERTISEMENT --

NAGA CITY– Irido an sarong padre de pamilya akalihis pagtatagaon kan burat na tugang kaini sa Brgy. Salogon, San Jose, Camarines Sur.

Binisto an biktima na si Alex Buenaagua, 48 anyos.

Sa nagunong impormasyon kan Bombo Radyo Naga napag araman na nag iinuman sana sinda Alex asin an suspek na si Errol Buenaagua, 38 anyos sa nasambitan ng lugar kan bigla na sana suboot nagkaigwa nin dai pagkakasinabutan na napuli sa pananaga kan suspek sa biktima.

Huli digdi, nagsapo nin lugad sa saiyang payo an biktima na tulos man idinalagan sa ospital tanganing ipabulong.

Makalihis an insidente tulos man nagsuko an suspek sa mga otoridad.

-- ADVERTISEMENT --

Sa ngunian, nagpapadagos pa man an imbestigasyon kan San Jose-PNP manungod sa nasambitan ng insidente.