-- ADVERTISEMENT --

NAGA CITY- Mayo nang buhay kan madukayan an bangkay kan sarong lalaki sa Barangay Daligan, Tinambac, Camarines Sur.

Binisto an biktima na si Domingo alyas “Inggo”.

Sa nagunong impormasyon kan Bombo Radyo Naga napag araman na nagpasiring sa opisina kan Tinambac PNP an sarong residente sa lugar kun sain ipinaabot kaini an bangkay kan sarong lalaking saiyang nadukayan sa coprasan na pag sasadiri kan sarong kagawad sa lugar.

Tulos man suboot nagpasiring sa lugar an mga kapulisan tanganing iberipikar an nasambitan ng pangyayari, kun sain nadukayan kan mga ini an bangkay kan nasambitan ng biktima.

Sa inisyal na imbestigasyon kan mga otoridad nagluluwas na nagsapo nin lugad sa saiyang walang bitis asin toong tuhod si Domingo.

-- ADVERTISEMENT --

Basado man sa mga residente sa lugar huri suboot na nadukayan an biktima na kaibahan an katabang kaini na padagos pa nguniang hinahanap kan mga otoridad.

Sa ngunian, nagpapadagos pa man an ginigibong imbestigasyon kan mga otoridad manungod sa nasambitan ng pangyayari.