-- ADVERTISEMENT --

NAGA CITY- Irido an apat na lalaki makalihis na pagtatagaon kan kainuman kan mga ini sa Brgy. tinandog, Atimonan, Quezon.

Binisto an mga biktima na sinda Jayson Velasco, 25 anyos, Ramil Canales, 30 anyos, Dexter Velasco, 35 anyos asin Jose Balbalosa, 48 anyos.

Sa nagunong impormasyon kan Bombo Radyo Naga napag araman na nag-iinuman an mga biktima asin an suspek na si Vicente Velasco, 48 anyos kan magkaigwa nin dai pagkakasinabutan sa pagultanan ninda Vicente asin Jayson.

Makalihis sana an nagkakapirang minuto nagkua suboot nin sundang an suspek asin bigla na sanang inatake si Jayson alagad pinurbaran pa ining pugulan kan tolong iba pa kun kaya tulos man na pinagtataga kan suspek sinda Canales asin Dexter.

Huli digdi, nagsapo nin taga sa saindang kamot sinda Canales asin Dexter mantang nagsapo man nin minor na lugad sa saindang lawas sinda Jayson asin Jose na tulos man idinalagan sa ospital.

-- ADVERTISEMENT --

Sa ngunian, nasa kustudiya na kan mga otoridad an suspek mantang pinepreparar na man an kasong isusunad kontra digdi.