NAGA CITY – Nag-abot sa anom na ektarya an nadanyaran kan nairehistrong grassfire sa sarong pribagong lote Barangay Concepcion Pequeña, Naga City.

Sa entrevista kan Bombo Radyo Naga ki FCI Emmanuel Ricafort, Fire Marshal kan BFP-Naga, sinaysay kaini na nag-abot nin apat na oras an saindang nagin operasyon antes naideklarang fireout an kasulo sa lugar.

Sigon ki Ricafort, huli sa makusog na duros, kung kaya marikas na naglakop an kalayo.

Napag-araman na apwera sa apat na firetrucks, nagkapirang mga pribadong grupo pa an nagtarabang sa pagpalsok kan kalayo.

Sa ngunian, dawa nagpapadagos pa an imbestigasyon kan mga otoridad, pigtutubudang an mga sinulong basura an pigikanan kan nasambitan ng kasulo.