NAGA CITY – Kinumpimar kan Municipal Disaster Risk Reduction and Management Office (MDRRMO)-Sagnay na duwang aki an soboot nabiktima kan salabay o jellyfish sa Nato, Sagñay, Camarines Sur.

Sa entrevista kan Bombo Radyo Naga ki Don Panoy, pamayo kan MDRRMO-Sagñay, sinaysay kaini na mismong an port manager kan Nato an nagpaabot sa sainda kan impormasyon kunsaen duwang aki an nadukutan nin salabay.

Katakod kaini, tuos na naglibot an MDRRMO sa mga coastal areas asin mga beach resorts makalihis maaraman na nagkapirang mga lugar sa nasambitan ng banwaan an igwa ng mga ‘sightings’ nin jellyfish.

Enot digdi, nagpagirumdom man an Bureau of Fisheries and Aquatic Resources (BFAR) sa publiko na maglikay sa mga salabay urog na ta nagruruluwasan an mga ini tuyong mainit an temperatura.

Apwera kaya sa Sagnay, enot nang nagpagirumdom an kapulisan sa Caramoan na likayan an mga lugar na may mga nagruruluwasang salabay urog na ta kan nakaaging taon, igwa ng binawian nin buhay sa nasambitan ng banwaan makalihis madukutan nin jellyfish mantang nagkakarigos.