LEGAZPI CITY — Ipigkokonsiderar kan Department of Tourism (DOT) Bicol na dakulang bagay na maibugtak sa center stage an Pilipinas kasunod kan pagkagana ni Catriona Gray bilang Miss Universe 2018.

Sa intrevista kan Bombo Radyo Legazpi ki DOT Bicol Dir. Benjamin Santiago, huli sa panibagong korona kan Pilipinas, dakulang promosyon ini para sa turismo urog na iko-cover si Catriona kan international media.

Segun ki Santiago, magiging brand ambassador an newly-crowned Miss Universe bako sana kan pinaghaleang rehiyon na Bicol kundi maging kan nacion.

-- Advertisement --

Maikakaag pa suboot an turismo kan Pilipinas sa mapa kan kinaban.

Naglalaom man an opsiyal na magiging dakulang bagay sa pag-utob kan tourist arrival projection sa masunod na taon an pagkagana kan Bicolana beauty.