LEGAZPI CITY – Nagsapar nin mga lugad asin gasgas sa mga parte kan lawas an sarong pulis na nakadesignar sa checkpoint na ipigkaag kasunod kan ipinaotob na Enhanced Community Quarantine sa Luzon, makalihis na banggaon kan sarong kotse.

Binisto an nasabing pulis na si PCpl Jovencent Balasulla, 31-anyos na personahe kan Legazpi City PNP.

Sa impormasyon hali ki PCapt. Dexter Panganiban kan Albay Police Provincial Office, nangyari an insidente sa parte kan Rizal Street sa ciudad asin hampang kan Bicol University bandang alas-10:20 kasubanggi.

-- Advertisement --

Napag-araman na may kaolay ining driver kan motorsiklo kan magdangadang an berdeng kotse na pigmamanehar ni Cesar Raymund Belen, 57, residente kan Brgy. 13 Ilawod West.

Hali ining ciudad asin pasiring sa banwaan kan Daraga kan mabunggo an pulis na nagsapar nin mga lugad.

Kapot naman ngonyan kan mga otoridad an nasabing suspek makalihis na immediatamenteng maarestar.